Aa |   aA
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ឃាត់ខ្លួនជនបរទេសជិត១០នាក់ ពាក់ព័ន្ធករណីកាន់កាប់អាវុធខុសច្បាប់ នៅខេត្តព្រះសីហនុ | BREAKING: ផ្អើលករណីពុលសាំងវិច ពីហាងសំពៅមាស មន្ត្រីសាលាក្រុងព្រះសីហនុ ជិត៥០នាក់កំពុងព្យាបាល | សម្តេច​តេ​ជោ ហ៊ុន សែន រំលឹកពី​អាហារ​​មួយពេល​ជា​ប្រវត្តិសាស្ត្រ​ជាមួយ​មេដឹកនាំ​ខ្មែរក្រហម​ | Update៖ ធ្លាក់យន្តហោះនៅកូរ៉េខាងត្បូង ឆក់ជីវិតអ្នកដំណើរស្ទើរតែទាំងអស់នៅលើយន្តហោះ | សម្តេចនាយករដ្ឋមន្ត្រី ហ៊ុន ម៉ាណែត ប្រារព្ធទិវាសន្តិភាពនៅកម្ពុជា ជាមួយនឹងការប្រកួតបាល់ទាត់មិត្តភាព | ប្រធានាធិបតីសហរដ្ឋអាមេរិកទី៣៩ លោក ជីមមី ខាតធ័រ ទទួលមរណភាពនៅអាយុ ១០០ឆ្នាំ |

Benfica ទម្លាក់ PSV យកកៅអីវគ្គចែកពូល UEFA Champions League

  • ចុះផ្សាយថ្ងៃទី២៥ ខែសីហា ឆ្នាំ២០២១ ម៉ោង ១២:៤៩ នាទី ដោយ Mesa
  • 453
  Aa |   aA

អឺរ៉ុប៖ សមាសភាពក្រុមក្នុងវគ្គចែកពូលនៃពាន UEFA Champions League ២០២១/២០២២ កាន់តែលេចចេញរូបរាងច្បាស់ឡើង ក្រោយពីក្រុមចំនួន ៣ បានបញ្ចប់វគ្គ Play-Off និងទទួលបានកៅអីវគ្គចែកពូលជាផ្លូវការកាលពីយប់មិញនេះ ខណៈ ៦ក្រុមផ្សេងទៀត នឹងត្រូវបន្តប្រជែងនៅវគ្គ Play-Off ជើងទី២ យប់នេះ។

ការប្រកួតរវាង PSV និង Benfica នៅទឹកដី Eindhoven ប្រទេសហូឡង់កាលពីយប់មិញនេះ ពុំមានគ្រាប់ស៊ុតបញ្ចូលទីគ្នាឡើយ ពោលគឺការប្រកួតបញ្ចប់ទៅដោយលទ្ធផល ០-០ ដែលនាំឱ្យ Benfica ដែលឈ្នះជើងទី១ នៅទឹកដីព័រទុយហ្គាល់ ឈានទៅវគ្គចែកពូលតែម្តង។

ក្រៅពី Benfica ដែលឡើងវគ្គបន្តយប់មិញ BSC Young Boy របស់ស្វីស ក៏បន្តជ័យជម្នះរបស់ខ្លួននៅជើងទី២ ក្នុងលទ្ធផល ៣-២ ដដែលទល់នឹងក្រុម Ferencvarosi របស់ហុងគ្រី និងឡើងទៅវគ្គបន្តដោយលទ្ធផលសរុបទាំងពីរជើង ៦-៤។ ដោយឡែក Malmo FF របស់ស៊ុយអែត ភ្លាត់ចាញ់ Ludogoret របស់បុលហ្គារី យប់មិញនេះ ២-១ តែយ៉ាងណាក្តី ក្រុមដែលដឹកនាំដោយអតីតគ្រូជំនួយក្រុមជម្រើសជាតិដាណឺម៉ាក លោក Jon Tomasson, Malmo FF បានឈានឡើងទៅវគ្គចែកពូលផងដែរ ក្រោយពីឈ្នះ ២-០ កាលពីជើងទី១ និងសរុបទាំងពីរជើងដោយលទ្ធផល ៣-២។

គួរបញ្ជាក់ថា សម្រាប់ការចាប់ឆ្នោតបែងចែកពូលពាន UEFA Champions League នឹងត្រូវធ្វើឡើងនាថ្ងៃទី២៦ ខែសីហា ឆ្នាំ២០២១ នាទីក្រុងអ៊ីស្តង់ប៊ុល ប្រទេសតួកគី ខណៈ Chelsea គឺជាក្រុមការពារតំណែងជើងឯក៕




ព័ត៌មានជាច្រើនទៀតសម្រាប់អ្នក